Kamatuuran O Tradisyon? - Pahayag Sa Paghatag Ug Bili

Untitled Document

Mahimo nga I-imprenta

Una among gihatagan ug bili ang Dios ingon nga atong Mag-bubuhat, Amahan, ug Magsasangkap, ug mag-tinguha sa pag-higugma Kaniya sa tibuuk nato nga kasingkasing, kalag, hunahuna, ug kusog (Mateo 22:37), ug mahimong makaplagan nga matinud-anon nga magsisimba Kaniya diha sa espiritu ug sa kamatuuran ingon nga Siya naga-pangita ni-ini (Juan 4:24).

Among gihatagan ug bili ang Biblia ingon nga usa ka walay sayop nga sulat sa Pagtagad sa Dios alang sa katawhan, ang katapusan nga pagahum alang sa mga Kristohanon nga pagtoo ug pag-kinabuhi, ug ang bugtong kasaligan nga tinubdan sa hingpit nga espirituhanon nga kamatuuran (2 Timoteo 3:16). Busa among gihatagan ug bili ang pagka-himo nga “mag-bubuhat sa Pulong” (2 Timoteo 2:15) aron sa pag-amping sa pagka-tukma ug pagka-hingpit sa Balaan nga Kasulatan. Amo usab nga gihatagan ug bili ang makatarunganon ug hinan-ay nga pag-hubad sa Balaan nga Kasulatan ingon sa nasulat sa among 22Ka Mga Sumbanan sa Pag-hubad sa Biblia. Among gihatagan ug bili ang mapadayonong pagdukiduki sa kamatuuran sa Pulong sa Dios, ug pagpaubos mahitungud sa katukma sa among mga pag-hubad ug mga pagsabut.

Tungod kay among giila nga ang tanan nga tawo gibuhat sumala sa hulagway sa Dios, kami maningkamot nga makabaton ug kalinaw sa tanan, sumala nga kini nag-agad kini kanamo (Mga Taga Roma 12:18), ug sa kabutang nga wala kinahanglana nga kami mo pauyon-uyon sa among hugut nga pagtoo o kaha sa pagka dili masinugtanon sa Dios.

Among gihatagan ug bili ang Lawas ni Kristo, ug maningkamot nga mahimong hinungdan alang sa matuud nga panaghiusa tali sa katawhan sa Dios nga gipasikad diha sa kamatuuran sa Iyang mga Pulong, labina gayud ang sugo sa pag-higugma sa Iyang silingan sama sa pag-higugma sa Iyang kaugalingon.(Mateo 22:38).

Among gihatagan ug bili ang pag-pamuhat diha sa katilingban uban sa usag-usa alang sa pag-tuman sa sugo sa Ginoo nganhi kanamo ingon nga Iglesya. Sa pag-tuman sa atong misyon matuman lamang kon daghang mga tawo nga adunay managsama ug pang-lantaw magtinabangay sa pag-pamuhat alang sa usa ka tumong (1 Mga Taga Corinto 1:9, 10). Sa ingon niana among gihatagan ug bili ang mga tawo mga makahimo sa pagpakita sa ilang mga gasa, kahibalo, ug kahanas dinuyugan sa pang-hunahuna nga mapaubsanon ug Pag-tinabangay.

Among gihatagan ug bili ang hamili nga gasa sa Dios ang balaang espiritu ug maningkamot sa paghatag ug katungod sa mga tawo nga mapakita ang mao nga espiritu alang sa kaayohan alang sa tanan (1 Mga Taga Corinto 12:7).

Among gihatagan ug bili ang matag bulohaton sa matag magtotoo nga gihatag sa Dios, bisan kon kini apostol, pastor, magtutudlo, magdudumala, magdadasig, mag-aawit, ug uban pa, ug maga-buhat sa pag-tabang sa mga tawo nga sila molambo diha sa ilang mga kahanas ug sa paghatag kanila ug mga kahigayonan sa pag-alagad.

Among gihatagan ug bili ang pagsangyaw ngadto sa mga tawo nga gigutum sa espirituhanon nga mga butang, ug ang among pag-pamuhat alang sa mga tawo nga walay gipa-sakupan nga simbahan aron malikayan ang pagtukod ug lain nga patukoranan (Mga Taga Roma 15:20).

Kami naningkamot sa kalidad ug kamaayo kay sa gidaghanon ug ihap sa tanan namo nga nabuhat, bisan pa sa pagpanudlo, mga pamantalaan, pagpang-gama, mga bulohaton, ug uban pa.

Among gihatagan ug bili ang kinasingkasing nga pagka-masinugtanon ngadto sa Pulong sa Dios ug magdadasig sa “sama ni Kristo” nga pamatasan. Among gihatagan ug bili ang pulong “Sama ni Kristo” batok sa “Kristohanon” tungod kay ang pulong “Kristohanon” binulukan pinaagi sa mga kasinatian sa mga tawo nga Kristohanon labaw kay sa kang Hesu Kristo mismo.

Sa Internasyonal nga pag-pamuhat, among gihatagan ug bili ang usa ka pamaagi sa pagtudlo sa mga magtutudlo, aron, makahimo ang lokal nga tig-pangulo sa pagtudlo nga malampuson sa ilang kaugalingon nga mga ginsakupan, kinsa usab mahimong maka-tudlo sa uban (2Timoteo 2:2). Kami naghatag ug bili labi na gayud ang lokal nga tig-pangulo alang sa Internasyonal nga bulohaton tungod kay kami nag-ila sa pagkakuti ug kalisud nga nahilambigit sa nagkalain-laing sinultihan.

Sa walay pang-hunahuna nga masalikwayon, kinamaayohan, o kaha pag-pahilayo sa uban, kami naghatag ug bili sa among kaugalingon nga panan-aw sa Kristohanon nga pagtoo ug pag-kinabuhi, ug tungod niana naningkamot nga mahimong gawasnon gikan sa bisan unsa nga mapugnganon nga pagmando gikan sa uban nga pundok sa mga Kristohanon o pundok rilihiyon.

Sa pagtoo nga “ang tanan nga kamatuuran mao ang kamatuuran sa Dios,” among gihatagan ug bili ang pagkat-on sa bisan unsa kutob sa among mahimo gikan sa uban nga mga kasimbahanan, pag-pangalagad, Kristohanon nga mga rilihiyon, o kaha sa mga rilihiyosong tradisyon. Busa kami mag-padayon sa pagsuhid sa bisan unsa nga butang nga mahimong bililhon sa among kapunungan.

Kami naga-pangita ug naghatag ug bili sa mga tig-pangulo mga mahigugmaon, adunay kasingkasing sa pag-alagad, balanse, manunuton, ug makahimo ug kabag-ohan, kinsa adunay lig-on nga pag-panugyan sa pagpakita sa kinaiya ni Kristo ug sa pag-bantay sa matuud nga kamatuuran sa Pulong sa Dios, ingon man usab ang pang-lantaw, misyon , ug pahayag sa paghatag ug bili sa Spirit & Truth Fellowship International.