Ang mga Kristohanon nakapahimulos sa pagpanglihok ug gahum sa balaang espiritu sa pamaagi nga wala masinatii sa wala pa ang Panahon sa Iglesya, nga nag-sugod sa Adlaw sa Pentekostes (Mga Buhat 2). Ang balaang espiritu nga atong nabatunan karon mao ang gisaad sa Dios nga Iyang ihatag ngadto sa Israel sa Usa ka libo ka katuigan nga Gingharian, uban ang daghan pa nga mga panalangin. Sa tanang bahin sa Daan nga Kasabutan ug panahon sa Ebanghelyo, Ang Dios naghatag ug balaan nga espiritu ngadto sa pipila ka magtotoo, apan ang mao nga balaang espiritu limitado sa daghan nga pamaagi. Ang Dios nag-saad sa Israel nga sa diha nga tukoron sa Mesiyas ang iyang gingharian dinhi sa kalibutan, Iyang ihatag ang bag-o nga espiritu nga lahi sa iyang gihatag sa Daan nga Kasabutan.

Ang hilisgutan sa Gingharian nga mulungtad sa Usa ka Libo ka Tuig o (Millennial Kingdom) dili kanunay gitudlo, ug wala masabti pag-ayo, busa sa dili pa nato hisgutan ug maayo ang balaang espiritu sa umaabut nga Usa ka libo ka katuigan nga Gingharian ato una nga hisgutan kon unsa ang Usa ka libo ka katuigan nga Gingharian. Ang Gingharian nga mulungtad sa Usa ka Libo ka Tuig o (Millennial Kingdom) mao ang 1,000-ka tuig nga gingharian ni Kristo nga iyang paga-himoon dinhi sa kalibutan human siya makig-away sa Gubat sa Armageddon. Kadaghanan sa mga Kristohanon nahibalo nga adunay hilabihan nga kasakitan nga mahitabo sa umaabut panahon dinhi sa kalibutan. Adunay muabut nga mga gubat, kagutmanan, mga kamatay, mga linog, ug hilabihan nga katalagman, ug binilyon ang mga tawo nga mamatay. Kining mao nga panahon sa kasakitan matapos sa diha nga si Kristo manaog gikan sa langit ug makig-away (ug mo-daug!) sa Gubat sa Armageddon (Pinadayag 19:11-21), nga mao ang magtapos sa kalibutan sumala sa atong nasayran.

Human sa Armageddon, si Hesus dili mo-saka ngadto sa langit. Hinunua iyang tukoron ang iyang gingharian dinhi sa kalibutan, diin mao kini ang pasiuna sa usa ka panahon nga dili hitupngan nga panalangin ug kabulahanan. Ang tibuuk kalibutan hilabihan ka guba tungod sa Kasakitan ug Armageddon, busa ang kalibutan kinahanglan nga kini ayohon. Niining mao nga “bag-o” nga kalibutan, si Kristo maghari gikan sa Herusalem ingon nga hari ug Labaw nga Pari (Mga Salmo 110; Isaias 9:6 ug 7; Zacarias 6:12 ug 13), ang kamingawan mamulak (Isaias 35:1,6 ug 7) ug adunay daghan nga pag-kaon ( Isaias 25:6, 30:23-26). Walay usa nga buhi sa Israel nga masakit (Isaias 33:24, 35:5 ug 6), Bisan ang kinaiyahan sa mga mananap mausab aron ang mananap nga mukaon ug karne mobalik ngadto sa pag-kaon ug mga tanum ingon sa ilang ginabuhat didto sa Tanaman sa Eden (Isaias 11:7; 65:25; cp. Genesis1:30). Kining mao nga gingharian mo lung-tad sulod sa 1,000 ka mga katuigan (Pinadayag 20:2-7), mao nga sa teyolohiyanhon nailhan kini ingon nga Paghari ni Kristo sulod sa Usa ka Libu ka Tuig (gikan sa mil, 1,000, ug annus, ka tuig).

Ang mga Propeta sa Daan nga Kasabutan mitagna nga sa Usa ka Libu ka Tuig nga Gingharian ang Dios magahatag ug balaan nga espiritu sa bag-o, hingpit, ug sa pamaagi nga mas-gamhanan. Kini nagpahayag ngano nga sa diha nga si Hesus nagtudlo didto sa Templo panahon sa Pasko sa mga Tabernakulo, ang Kasulatan nag-ingon,”...wala pa ang Espiritu...”

Juan 7:39 (NRSV)
Ang gipasabut ni Hesus niini mao ang Espiritu [espiritu], nga hapit na madawat sa mituo kaniya; Niadtong higayona wala pa ikahatag ang Espiritu [espiritu], tungod kay si Hesus wala pa himayaa.

Ang Bersikolo 39 mura’g lisud nga sabton ngano nga ang Biblia nag-ingon, “... niadtong higayona wala pa ang espiritu...”? Ngano nga ang kasulatan nag-ingon nga wala pay espiritu sa panahon ni Kristo? Ang tubag mao nga ang gasa sa balaang espiritu nga gisaad sa Dios dako ug kalahian sa balaang espiritu nga anaa niadtong panahona. Si Moises, Debora, Zacarias, Elizabeth, ug uban pa nga mga magtotoo sa Daan nga Kasabutan ug sa Ebanghelyo nga adunay balaang espiritu nga lahi sa balaang espiritu nga gisaad sa Dios alang sa Usa ka Libo ka Katuigan nga Gingharian ug iya nang gihatag kanato karong panahona. Lahi kini pag-ayo, ug sa tinuud, ang atong nadawat karon wala pa sa panahon nga si Hesus nag-sulti niini didto sa templo.

Ang kadaghanan sa mga batid sa mga teksto karong panahona nagtoo sa orihinal nga teksto sa Griyego sa Juan 7:39 kinahanglan hubaron “tungod kay wala pa ang espiritu.’ Bisan pa niana, atong makita ngano nga ang pag-basa makahimo ug mga problema alang sa mga eskriba kinsa nag kopya sa mga manuskrito, nga naghatag kanila ug kapasikaran sa pag-usab sa orihinal nga teksto. Una, adunay kamatuuran nga ang kasagaran sa mga nag-kopya nagtoo sa pagtolon-an sa Trinity, ug kon “ang Espiritu” mao ang ika-tulo nga persona sa Trinity, nan “siya” kanunay nga nagalungtad. Ika-duha mao ang dili kaduha-duhaan nga pagka-diha sa espiritu sa Daan nga Kasabutan; sa pagkatinuud tataw kaayo nga ang “espiritu’ nag-lungtad. Human niining tanan, si Moises adunay balaang espiritu, si David adunay balaang espiritu, ug si Debora usab ug ang mga propeta. Ika-tulo, halos walay bisan usa nga nahibalo nga human sa pagkabanhaw gikan sa mga patay, ang mga magtotoo mahimong hatagan ug bag-o nga espiritu, usa ka espiritu nga wala magalungtad sa wala pa si Kristo himayaa. Hinunua, kadaghanan sa mga tawo nagtoo nga kon ang tawo mamatay siya muadto dayon sa langit ug magpuyo sa walay katapusan diha sa hingpit nga kahimtang nga wala magkinahanglan ug bag-o ug lahi nga balaang espiritu. Kon gusto ka nga ang bersikulo adunay kahulugan, ang mga tawo nga nagkopya sa Griyego nga teksto nag-usab niini. Busa, adunay daghang lahi nga pag-hubad sa mao nga bersikulo, apil, ang espiritu “nga wala pa ikahatag,” “wala pa diha kanila,” ug “wala pa muabut.” [1]

Ang Juan 7:39 usab naghatag kanato ug punto nga ang gisaad nga gasa sa balaang espiritu dili muabut hangtod nga si Hesus himayaon. Kita sa atong panahon karon, nagalantaw sa nangagi, nahibalo nga kini mao ang nahitabo. Sa diha nga si Hesus nag-sulti mahitungud sa balaang espiritu nga umaabut, siya nakigsulti ngadto sa mga Hudiyo nga nag-katigum sa Templo. Siya nag-sulti mahitungud sa balaang espiritu nga ilang gipaabut nga muabut sa panahon sa Usa ka Libo ka Katuigan nga Gingharian ingon nga bahin sa Bag-o nga Kasabutan (Jeremias 31:31-33; Isaias 32:15; Joel 2:28). Wala siya mag-sulti mahitungud sa gasa sa balaang espiritu nga ania kanato karon, diin walay mga Hudiyo nga nasayod o nagpaabot.

Unsay atong mahibaloan gikan sa Daan nga Kasabutan ug sa mga Ebanghelyo mahitungud niining bag-o ug lahi nga gasa sa balaan nga espiritu nga ihatag sa Dios sa Usa ka Libo ka Katuigan nga Gingharian?

1. Sa Daan nga Kasabutan ug sa Ebanghelyo, ang balaan nga espiritu giingon nga sa ibabaw sa mga magtotoo, apan sa Usa ka Libo ka Katuigan nga Gingharian kini sulod sa mga magtotoo.

Ezequiel 36:26 ug 27 (RSV)
(26) Usa ka bag-o nga kasingkasing akong ihatag kaninyo, ug usa ka bag-o nga espiritu akong ibutang sa sulod ninyo; ug akong kuhaon ang inyong matig-a nga kasingkasing ug ilisan ko kini ug kasingkasing nga masinugtanon
(27) Ibutang ko sa sulod ninyo ang akong espiritu ug himoon ko kamong masinugtanon sa akong mga gimbut-an ug mga lagda.

Si Hesus nahibalo pag-ayo sa Daan nga Kasabutan ug sa mga saad niini, ug buut unta siya nga ang iyang mga sumusunod nahibalo nga ang balaan nga espiritu “sulod” sa mga tawo.

Juan 14:17 (Hubad sa Tag-sulat) [2]
Kana mao ang espiritu sa kamatuuran, ang kalibutan dili maka dawat, kay dili kini makakita niini, ni mahibalo niini, kay nag- uban kini kaninyo, ug kini maanaa sa sulod ninyo.

2. Sa Daan nga Kasabutan ug sa Ebanghelyo, pipila lamang ka Magtotoo nga adunay espiritu, apan sa Usa ka Libo ka Katuigan nga Gingharian kini maanaa sa tanan nga magtotoo. Gitataw kini ni Joel.

Joel 2:28 ug 29
(28) “Ug unya, Akong ibubo ang akong Espiritu [espiritu] sa tanan nga mga tawo. Ang inyong mga anak nga lalaki ug mga babaye maga-panagna, ang inyong mga tigulang mag-damgo ug mga damgo, ang inyong mga batan-on nga mga lalaki makakita ug mga panan-awon.
(29) Bisan pa ang inyong mga ulipon, lalaki ug babaye, Akong ibubo ang akong Espiritu [espiritu] niadtong mga adlawa.

3. Sa Daan nga Kasabutan ug sa Ebanghelyo, Ang Dios naghatag ug espiritu santo sa limitado nga pamaagi, pinaagi ug sukod, apan sa Usa ka Libo ka Katuigan nga Gingharian kini igabubo diha sa kadagaya.

Atong nabasa sa itaas gikan sa libro ni Joel nga ang Dios “maga bubo” sa espiritu sa Usa ka Libo ka Katuigan nga Gingharian. Kini mao ang kausaban gikan sa usa ka limitado nga pamaagi sa Iyang paghatag niini sa Daan nga Testamento.

“... sa pagbubo nagkahulugan ug dagaya sa pagbinayloay ug mga hunahuna, sama sa ulan o busay.” ‘ Walay duha -duha nga ang mga propeta nag-saad sa mas dagaya dinhi labaw pa kay sa nasinati sa mga amahan ilalum sa balaod...ang mga propeta nag-saad dinhi dili ingon sa nasinatian kaniadto sa mga matinud-anon, apan usa ka butang nga mas labaw pa,” [3]

4. Sa Daan nga Kasabutan ug sa Ebanghelyo, Ang Dios naghatag ug balaan nga espiritu adunay kondisyon, ug nahimo nga kini mawala sa nag-dawat niini, Sa Usa ka Libo ka Katuigan nga Gingharian, ang balaan nga espiritu ihatag nga malungtaron.

Ang Bag-o nga Kasabutan nga buhaton sa Dios uban sa Israel nasudlan ug daghang ug dili mabawi nga mga saad. Pananglitan, Siya miingon nga ang nabanhaw nga mga magtotoo sa Israel nga “dili na” Niya taguan ang Iyang nawong ngadto kanila (Ezequiel 39:29). Siya miingon ngadto kanila nga sila Iyang hatagan ug usa ka “bag-o nga kasingkasing,” kuhaon ang ilang kasingkasing nga bato ug ilisan ug kasingkasing nga unod (Ezequiel 36:26) ug kini usa ka tataw nga kamatuuran nga ang Dios magasulti sa Iyang balaod diha sa kasingkasing sa Iyang mga katawhan aron nga silang tanan makaila Kaniya (Jeremias 31:33 ug 34). Ang mao nga mga saad, ug ang musunod nga mga bersikulo, kabahin sa paglaum sa Israel.

Ezequiel 11:19 ug 20
(19) Unya hatagan ko kamog usa na lamang ka tinguha ug bag-ong espiritu. Kuhaon ko ang tig-a ninyong kasingkasing ug ilisan ko kinig kasingkasing nga masinugtanon.
(20) Aron tumanon ninyo ang akong mga sugo ug mga balaod, ug mahimo kamong akong katawhan, ug ako mahimong inyong Dios.

Isaias 59:21 (KJV)
Sa akong bahin, mao kini ang akong Kasabutan nga gihimo uban kaninyo, nag-ingon ang GINOO; ang akong espiritu nga anaa kaninyo, ug ang akong mga pulong nga gipasulti ko kaninyo, dili gayud mawala diha sa inyong baba ni sa baba sa inyong mga anak ug mga apo sukad karon ug hangtod sa kahangtoran.

Ang Dios maga-butang sa Iyang balaang espiritu ngadto sa nabanhaw nga mga magtotoo, usa ka “bag-o” nga espiritu, ug sila maga-sunod sa Iyang mga sugo. Sila mahimong Iyang mga katawhan, ug Siya mahimong ilang Dios. Dili na sila mahadlok nga mawala gikan kanila ang espiritu o mahadlok nga mawala gikan kanila ang kalooy sa Dios sama sa ilang gibati sa panahon sa Daan nga Kasabutan. Ang mga katawhan sa Dios maga-tindog nga lig-on diha sa gingharian sa Dios, ug kini usa ka “gingharian nga walay katapusan” (Daniel 7:27b).

5. Sa Daan nga Kasabutan ug sa Ebanghelyo, wala hisguti nga ang balaang espiritu maga-mando sa tawo aron magpuyo ug usa ka diosnon nga kinabuhi, Ang Balaang Espiritu sa daan nga Kasabutan naghatag ug espirituhanong gahom nga ilang gi-kinahanglan aron ilang mabuhat ang sugo sa Dios nga ilang paga-buhaton. Bisan pa niana, ang Kasulatan nag-saad nga sa Usa ka Libo ka Katuigan nga Gingharian, ang balaang espiritu maga-mando usab sa mga tawo nga magkinabuhing diosnon.

Sa Ezequiel 39:29, Ang Dios nag saad nga sa diha nga ang balaang espiritu igabubo na sa mga nabanhaw nga mga tawo sa Usa ka Libo ka Katuigan nga Gingharian, ang iyang nawong dili na niya paga-taguan gikan kanila, Ang mga magtotoo mahimong makig sulti Kaniya sa bug-os ug sa kasuud gayud. Ezequiel 36:27 (RSV) nag-ingon nga ang balaang espiritu “maga-himo kanimo nga maglakaw diha sa akong mga sugo ug mag-matngon sa pagbuhat sa akong mga lagda.” Juan 16:13 nag-ingon nga ang balaang espiritu maga-tudlo sa mga tawo ngadto sa kamatuuran, ug si Hesus nagatawag niini ug “ang maglilipay, ang magdadasig,” uban pa). Ang uban nga bersikulo, ingon sa musunod, usab nagapamatood sa diosnon nga pagmando sa balaang espiritu.

Isaias 44:3b-5
(3b) ..Akong ibubo ang akong Espiritu [espiritu] sa imong mga anak, ug ang akong mga panalangin sa imong mga kaliwat.
(4) Manobo sila sama sa sagbot taliwala sa tubig, ingon sa mga tambo daplin sa kasapaan.
(5) Usa ka tawo moingon, “Ako iya sa GINOO,” ug may lain nga mogamit sa ngalan ni Jacob; ug may lain pa gayud nga mosulat diha sa iyang bukton ug, ‘Iya sa GINOO,’ ug maga-gamit sa ngalan nga Israel.

Ang gasa sa balaang espiritu nga gihatag sa mga magtotoo sa Daan nga Kasabutan wala maningkamot sa pagmando sa pagka-diosnon sa ma sa pamaagi nga paga-buhaton sa balaang espiritu sa Usa ka Libo ka Katuigan nga Gingharian.

Atong natun-an kong unsa ang kalahian sa gasa sa balaang espiritu nga ihatag sa Dios sa Usa ka Libo ka Katuigan nga Gingharian ug sa gasa sa balaang espiritu nga gihatag sa Dios sa panahon sa Daan nga Kasabutan ug sa panahon sa Ebanghelyo. Kini anaa sa tanan nga magtotoo, dili lamang sa pipila, ug ang Dios magahatag niini sa malungtaron ug sa kabuhong gayud. Labaw pa niana, kini mutabang kanila, ug maga-giya kanila ngadto sa kamatuuran. Ngano nga kinahanglan man nato nga kini atong mahibaloan ug masabtan? Tungod kay ang mga Kristohanon sa atong panahon karon mao ang magdadawat sa “mga gasa sa espiritu” sa Dios. Atong nadawat karon kon unsa ang gisaad sa Dios sa Israel sa umaabut. Ang mga Taga Roma sa tataw naghisgot niini.

Mga Taga Roma 8:23
Dili lang kay kana ra, kon dili kita usab sa atong kaugalingon, nga nag-baton na sa mga unang bunga sa Espiritu [espiritu], nag-agulo sa atong kinasoluran ingon nga nag-paabut sa atong pagka-sinagup ingon mga anak, ang kaluwasan sa atong mga lawas.

Kon ang mga katawhan sa Daan nga Kasabutan sama kang Moises, David, ug Meriam adunay managsama nga espiritu sama sa ani-a kanato ug sa mga magtotoo sa Usa ka Libo ka Katuigan nga Gingharian, sa unsang pamaagi nga ang atong balaang espiritu tawgon nga “ang unang bunga”? dili mahimo kini. Kita adunay “unang bunga” tungod kay unsa ang gisaad sa Dios alang sa mga magtotoo sa Usa ka Libo ka Katuigan nga Gingharian, Siya naghatag kanato pinaagi sa grasya. Labaw pa niana, tungod kay ang Dios nag-saad sa Daan nga Kasabutan nga kining bag-o nga balaang espiritu iyang ihatag, kini paga-tawgon “ang gisaad nga Balaang Espiritu [balaang espiritu].”

Mga Taga Efeso 1:1
Ug kamo usab nahiusa diha ni Kristo sa diha nga kamo nakadungog sa pulong sa kamatuuran, ang maayong balita sa inyong kaluwasan, Sa inyong pagtoo, kamo gipatikan diha kaniya uban sa usa ka silyo, ang gisaad nga Espiritu Santo [espiritu santo].

Ang Dios nagsaad ug espiritu alang sa umaabut nga panahon, apan ato kining nadawat pinaagi sa grasya, Mao nga kita karon nakatagamtam sa samang kinaiya sa balaang espiritu nga giingon sa Dios nga maangkon usab sa mga magtotoo sa Usa ka Libo ka Katuigan nga Gingharian. Ang gasa sa balaang espiritu mao ang silyo sa atong kinasoluran ang matag usa ka Kristohanon sa panahon sa iyang pagtoo maluwas (Mga Taga Efeso 1:13 ug 14). Matag Kristohanon puno sa balaang espiritu, nga mao ang tinuud nga kinaiyahan sa Dios, Mga Buhat 2:4; 2 Pedro 1:4) Ang atong balaang espiritu magpabilin tungod kay kini “natawo” sa sulod nato (1 Pedro 1:3 ug 23), “silyo” sa sulod nato (Mga Taga Efeso 1:13 –KJV). Usa kini ka garantiya sa atong anindot nga kinabuhi sa umaabut (2 Mga Taga Corinto 1:22, 5:5; Mga Taga Efeso 1:14). Ang balaang espiritu nga natawo sulod sa matag Kristohanon maga tabang kaniya sa pag-puyo sama sa pag-kinabuhi ni Kristo, kini adunay pakigbangi tali sa unodnon nga tinguha. (Mga Taga Galacia 5:16 ug 17).

Gawas pa niana ang panalangin nga gi-hisgutan sa ibabaw mga bahin sa “unang bunga” sa espiritu, ang Dios naghatag kanato ug duha ka pagpadayag sa balaang espiritu nga talagsaon ngadto sa Kristohanong Simbahan. Kini wala magalungtad sa Daan nga Kasabutan o sa Ebanghelyo, wala usab kini itagna nga mahimong kabahin sa gasa sa balaang espiritu sa Usa ka Libo ka Katuigan nga Gingharian. Kining duha ka pagpadayag mao ang pag-sulti ug mga dila ug pag-hubad ug mga dila. Ang Pag-sulti ug mga dila mao ang pag-sulti ug laing pinulongan sa tawo o mga anghel nga dili nimo masabtan, kini gihatag kanimo pinaagi ni Ginoong Hesu Kristo, samtang ang pag-hubad ug mga dila mao ang paghatag ug kahulugan, sa imong kaugalingon nga sinultihan, kon unsa ang imong gisulti sa mga dila.

Ang Dios sa pagkatinuud matinagdanon panahon sa Daan nga Kasabutan ug sa Ebanghelyo sa pag-butang ug balaang espiritu diha sa pipila ka mga magtotoo aron nga sila maka-buhat sa bulohaton nga Iyang ipabuhat ug pag panalangin sa mga tawo. Apan sa Daan nga Kasabutan ang mga magtotoo nagalantaw sa umaabut nga panahon nga ang matag us kanila makabaton ug dayon nga balaang espiritu, ug alang kanila kini mao ang usa ka kasingkasing nga unod, nga maga-giya kanila ug maga-tabang kanila.

Unsa nga panalangin, ug unsa nga kahigayonan nga makasayod nga ang gasa sa balaang espiritu nga gisaad sa Dios alang sa Usa ka Libo ka Katuigan nga Gingharian, Iyang gihatag kanato karon. Kitang mga Kristohanon dili na kinahanglan nga mag-hulat alang sa Usa ka Libo ka Katuigan nga Gingharian aron sa pag-angkon niining nindot ug, bag-o nga gasa sa balaang espiritu, pinaagi sa grasya sa Dios atong nadawat ang “mga unang bunga” sa espiritu sa panahon nga kita na-luwas.