Kamatuuran O Tradisyon? - Sumbanan sa Maayong Pamatasan

Untitled Document

Sumbanan sa Maayong Pamatasan

Kamatuuran O Tradisyon

Mahimo nga I-imprenta

Akong higugmaon ang Dios sa tibuok kong kasing-kasing, kalag, huna-huna ug kusog, maningkamot nga magamit ang mga kahibalo ug kahanas nga iyang gihatag kanako. Akong ilhon nga ang Iyang gihatag kanako mao ang Iyang gasa alang kanako; Kon unsa ang akong ginabuhat mao usab ang akong gasa ngadto Kaniya. Akong himuon nga ang Iyang Pulong mao ang giya sa akong kinabuhi ingon nga kini mao ang iyang kabubut-on alang kanako, ang pag-simba ug ang pag-sunod Kaniya mao ang pinaka-una nga boluhaton. Akong likayan ang tanan nga mga dyosdyos, o bakak nga “dios” nga magpakita nga makahimong motagbo sa akong mga panginahanglan kon akong isalikway ang akong mga saad ngadto sa Bugtong Matuud nga Dios ug sa akong Ginoong Hesu Kristo.
Akong higugmaon ang akong silingan sama sa akong kugalingon, ilhon nga ang akong sinultihan ug binuhatan makapanalangin ug makaayo sa akong isigkatawo. Akong ilhon nga ang akong “silingan” mao ang duol kanako, sa nagkalahi nga panahon hiyograpiya, kabanay o pagkapinalabi. Akong likayan ang tawhanon nga kahigayonan nga nabatasan ug mahimong walay pagdaot batok sa uban nga adunay lahi nga pagtoo, kaliwat, pagkanasudnon, katawohon, uban pa ug pagpasabut sa matag usa sumala sa ilang kaugalingon nga mga sinultihan ug mga binuhatan. Akong sundon ang panig-ingnan sa Dios, paghigugma sa matag usa ug maningkamot sa pagluwas kanila ug pagdala kanila ngadto sa kahibalo sa kamatuuran.
Dili ko manglibak mahitungod sa uban (pagpasa ug makadaut nga tabitabi) apan uban sa gugma magasulti ako sa kamatuuran ingon nga ako nakasinati niini sa akong kaugalingon, uban sa tumong nga madasig ang uban. Ako magasulti sa mga pulong nga makapanalangin ug makahatag sa maayong dungog alang sa uban aron ila kining kinabuhion. Dili nako tugotan nga mahimong kabahin sa pagdaut sa dungog sa uban o kaha magahukom sa uban nga kasing-kasing sa walay igong kasayuran sa mao nga tawo.Kon ako masayod nga ako gilapasan akong sundon ang sumbanan sa Mateo 18:15-17, ug ako silang duulon una sa dili pa hisgutan ang kasaypanan uban ang laing tawo ( walay labut ang pagtambag sa Pastor).
Akong ampingan ang akong pagkabalaan ug ang akong kinabuhi nga may kalambigitan sa kinabuhing minyo, bisan kon kini sulod o gawas sa kaminyoon, og paga-ilhon nga ang pakighilawas tulugkaron ug espirituhanon ug kini makalig-on sa bugkos sa panagtiayon o pagkadili matarong. Akong likayan ang mga mahilas nga talan-awon ug uban pa nga gidili nga pakighilawas tungod kay kini makapaubos sa tumong sa Dios mahitungod sa pakighilawas sulod sa kaminyoon nga nagapamatuud sa Iyang pagkamaayo ug gugma alang sa katawhan.
Ako nagaila sa espirituhanong gubat tali sa Dios ug sa Yawa,ug dili ko motugot nga ang Yawa hatagan ug kahigayunan sa pagtintal kanako ngadto sa pagpakasala batok sa Dios, sa akong kaugalingon ug sa akong isigkatawo. Ako mubarog batok sa iyang mga limbong uban sa Pulong sa Dios, ug magapangita sa tanan nga kahigayonan sa pagluwas sa uban nga nabilanggo sa iyang kabubut-on.
Ako mo-ila sa pagmando sa Dios ug ni Ginoong Hesu Kristo ug mo pasakup ngadto sa tanan nga diosnong pagmando sumala sa madawat sa akong konsyensya ingon nga kini pinasubay ug pinaagi sa Pulong sa Dios. Akong isalikway ang pagbatok sa kagamhanan ug paghigugma sa kaugalingon ug akong buhaton ang pag-alagad ug dili tigmando o kaha mahimong agalon sa uban. Akong pillion ang kinaiya nga magadasig sa pagkadiosnon, kalinaw ug pag-pinasaylo-ay. Ako magkinabuhi sa paagi nga kon ang tanan mosunod sa akong maayong buhat adunay kalinaw ug panagdait sa tanan nga katawhan.
Mahimo akong tighatag dili tigdawat. Dili ko mangawat sa mga butang nga iya sa uban, apan magapamuhat pinaagi sa akong mga kamot aron aduna akoy ikahatag sa uban. Ako maningkamot kutob sa akong mahimo sa pagbalik sa nawala nga butang ngadto sa tinuod nga tag-iya, ug maningkamot nga mahimong tigpahulam kay sa tighulam. Bisan unsa ang akong gihulaman Akong I-uli sa maayong porma kay sa akong paghulam niini, o kaha ako kining pulihan. Dili ko mahimong ulipon sa pagkuha ug butang ug pagtipig ug salapi, apan himuon ko kini nga galamiton alang sa pagpanalangin ug pagtagbo sa mga panginahanglan niadtong akong gihigugma. Akong likayan ang pagsalig sa makadaot nga tambal nga makaulipon kanako ug makahatag kanako ug paghigugma sa kaugalingon ug dili pagkamabungahon, labina gayod niadtong nahilambigit sa makadaut nga mga tambal.
Dili ko manimalos batok niadtong nakasala kanako, apan ako magapasaylo kanila ug nagapangita ug pagpasig-uli sumala sa gilatid diha sa Pulong sa Dios. Akong likayan ang pagka ubos ug pangisip ug walay hinungdan nga batasan nga nagkinahanglan sa uban sa mga butang nga dili nako ikahatag.Akong ilhon ang pagkadautan sa sayop nga paghukom ug akong ilhon nga unsa ang akong gidumtan nga kinaiya sa uban nga tawo ingon man usab ako kining dumtan sa akong kaugalingon. Ang akong pagsuta ug pag-ila sa sala sa akong kaugalingon nga kinabuhi mas labaw nga mayo nga buluhaton kay sa pagsaway sa uban.
Ako maningkamot sa pagbuhat aron mapadayag ang bunga sa espiritu (Mga Taga-Gatacia 5:22,23) ingon nga basihan sa diosnon nga kina-iya ug pamatasan nga kinahanglan maoy magmando sa akong kaugalingon nga kinabuhi, ug hatagan ug igo nga pagtagad kadton kina-iya nga mas lisod nga ipakita. Dili nako sundon ang akong “kina-iya” ngadto sa sala, paghimog mga hinungdan ug mga rason alang sa dili mayo nako nga batasan, apan ako magpuyo pinaagi sa gahom sa espiritu aron pagsunod sa Pulong sa Dios.
Akong buhaton ang maayo ngadto sa tanan nga tawo,ug mangita ug kahigayunan sa pag-alagad ug pagpakita sa gugma sa Dios nga nagpuyo sa sulod nako. Apan labaw sa tanan ako mahimong maayo sa akong isig-ka Kristohanon, Pag-ila nga sila mga tawo sa Dios kinsa Iyang gihatagan ug grasya sama kanako. Akong buhaton ang kutob sa akong mahimo sa pakighiusa kanila batok sa atong usa ka kaaway, sumala sa usa ka sumbanan sa Pulong sa Dios ug sa usa ka espiritu nga naghatag kanatong tanan ug gahom.

Ubang nindot nga sinulat nga susama niining maong hilisgutan:

Kinsa si Hesu Kristo?

Unsa Ang Among Gitoohan

TANAN NGA HILISGUTAN

Balay Pahina