Ang pangutana mao kini: “Unsa man ang gisulti sa Biblia NGADTO SA MGA KRISTOHANON mahitungod sa salapi-anong paghatag?” Ngano?

FAQ - Kasagarang Gipangutana nga Pangutana: Kadaghanan sa mga kasimbahanan nga akong naadtoan nagatudlo sa makusganon gayud nga ang mga Kristohanon kinahanglan nga mohatag ug “Ikanapulo,” nga ang ipasabut, mohatag ug 10% (ika-napulo nga bahin) sa ilang pinangitaan o abut ngadto sa simbahan. Ako nakadungog usab nga adunay mga ministro nga naga-ingon nga kon dili ka mohatag ug ika-napulo, Ang Dios dili mohatag kanimo ug panalangin. Unsa man ang gisulti sa Biblia mahitungod sa salapi-anong paghatag?

“Unsa ang gisulti sa Biblia?” mao kanunay ang “sukdanan” sa kinabuhi. Apan ang pinaka importante nga pangutana nagkinahanglan usab ug angay pahinungdan: “Kang kinsa?” Ang Biblia, ang Pulong sa Dios, sa pagka tinuud naghisgot mahitungod sa salapi-anong paghatag, ug ang maayong panghitabo, kini mao ang usa sa lima ka importante nga ginabuhat sa mga Kristohanon, ang uban mao ang pag-ampo, pagbasa ug pagtoon sa Biblia, pagpakig-uban sa uban nga Kristohanon, ug pagsulti sa maayong balita mahitungod ni Hesu Kristo.

Ang pangutana mao kini: “Unsa man ang gisulti sa Biblia ngadto sa mga Kristohanon mahitungod sa Salapi-anong paghatag?” Ngano? Tungod kay unsa ang gisulti sa Dios ngadto sa mga Kristohanon mahitungod sa salapi-anong paghatag adunay kalahian kompara sa kon unsa ang gisulti sa Dios ngadto sa mga Hudiyo sa Daan nga Testamento mahitungod niini. Ang makasusubo nga balita mao nga sa atong panahon karon pipila lamang ang mga Kristohanon ang nakasabut sa kalahian, ug, ingon nga resulta, daghan ang nagpuyo ilalum sa makahinuklog ug salapi-anong kabug-at nga wala na unta kinahanglana. Alang sa pinaka ditalyado nga pagpahayag niining mao nga hilisgutan kay sa atong mahimo niining maong kasagarang gipangutana nga pangutana. Ako nga erekomendar ang among 90 minutos nga tape nga nag-uluhan ug Giving and Tithing, ingon man usab ang libro nga nagdala sa uluhan The Tithing Dilemma, nga gisulat ni Ernest L. Martin.

Ug, ingon sa naandang nga pamaagi sa pagsuta sa usa ka hilisgutan nga biblikanhon, nga magdala kanato ngadto sa hilisgutan nga ang pagdumalahan sa Kasulatan. Hangtod nga atong masabtan unsa nga mga bahin sa Pulong sa Dios nga gisulat ngadto sa mga Judeo, unsa nga bahin ang gisulat ngadto sa mga Hentil, ug unsa nga bahin ang gisulat alang sa mga Kristohanon, dili nato masabtan o maaplikar ang kamatuoran diha sa atong inadlaw-adlaw nga pagkinabuhi.

Sa pagka karon nagpuyo kita sa gitawag sa Biblia nga Pagdumalahan sa Bililhong Tinago (Mga Taga Efeso 3:9), nga nagsugod sa adlaw sa Pentekostes (Mga Buhat 2:1ff) ug matapos sa pagsakgaw sa mga Iglesya (tanan nga mga buhi ug mga nangamatay nga mga magtotoo mutagbo sa Ginoo diha sa mga panganod – 1 Mga Taga Tesalonica 4:15-18). Ang nag-una nga panon-anan sa mga Magtotoo ( ang bout ipasabut , ang mga tawo matawo pag-usab diha sa binhi nga dili madunot) makaplagan diha sa mga Sinulat alang sa mga Magtotoo: Mga Taga Roma, Mga Taga Efeso, Mga Taga Filipos, Mga Taga Colosas, ug 1 ug 2 Mga Taga Tesalonica. Mao kini ang gikinahanglan nga atong tan-awon aron atong makita ang hingpit nga giya sa Dios alang kanato karong panahona, ug ang hilisgutan mahitungod sa salapi-anong paghatag gihatagan ug duha ka kapitulo nga bili sa tinta sa 2 Mga Taga Corinto 8 ug 9.

Adunay tukma usab nga mga bersikulo sa uban nga mga Epistola, ug ang mensahe sa Kasulatan alang sa mga Kristohanon mao nga tungod sa nahuman nga trabaho ni Hesu Kristo, dili kita magpuyo ilalum sa balaod ni Moises, nga sa maong panahon ang paghatag ug ikanapulo gitukod ug gisugo ingon nga bahin sa balaod. Busa, ang paghatag ug ika-napulo ingon nga sugo sa Dios wala nay labut ang mga magtotoo sa atong panahon karon.

Niining maong katuyoan, ang importante nga masayran ang kalahian mahitungod sa paghatag ug ika-napulo ug ang paghatag. Bisan pa kon ang paghatag ug ikanapulo mismo wala nay labut ang mga magtotoo, ang paghatag sa pagkatinood aduna gayud kitay labut. Ingon nga bahin sa lawas ni Kristo, ang matag Kristohanon kinahanglan nga siya maoy magbuut sa iyang kaugalingon nga pagbati kon pila ang iyang ihatag ug kinsa o asa niya ihatag ang iyang kahinguhaan tali sa iyang igsoon nga lalaki ug igsoon nga babaye diha ni Kristo (2 Mga Taga Corinto 9:7). Ang pasumbingay sa Epistola nga ang paghatag sa material nga butang sa makusganon gidasig mao ang pagpugas ug pag-ani – kon daghan ang imong ipugas, mo-ani usab ikaw ug daghan (2 Mga Taga Corinto 9:6). “Ang “Paghatag ug ikanapulo” wala gayud mahisguti.

Among gi trabaho ang usa ka gamay nga basahon mahitungod niining maong hilisgutan, ug kini paga hatagan ug ulohan nga, In Response to a Blessing, (Ang Balos sa mga Panalangin) tungod kay mao kana ang biblikanhon nga sumbanan sa paghatag. Sa Ilalum sa Balaod, ang mga Hudiyo mohatag sumala sa ilang abut, kana mao, nga kon unsa ang gihatag sa Ginoo alang kanila. Sama sa pulong nga nagaingon “Atong gihigugma ang Dios tungod kay siya ang una nga nahigugma kanato,” mao nga kita mohatag tungod kay ang Dios naghatag kanato. Sa diha nga kita makasabut kon unsa ang gibuhat sa Dios alang kanato pinaagi ni Kristo, ug ang mga material nga panalangin nga atong nadawat gikan Kaniya, ug ang mga saad Niya nga kita Iyang panalanginan pag balik sumala sa atong gikahatag, usa ka kalipay ang paghatag nga malipayon.

Bisan sa Daan nga Testamento, ang mga magtotoo nakasabut nga sa diha nga sila mohatag ngadto sa Dios, sila nagaabli sa pultahan, kon gusto ka, nga Siya mo panalangin kanila pag balik, mao kini gayud sa tinuod, apan ang idiya gituis sa uban nga Kristohanon kinsa nagatudlo nga kinahanglan una nga ikaw mohatag ngadto sa Dios aron nga ang Dios mo panalangin kanimo. Mao nga, daghang mga Kristohanon naghatag aron sila makadawat. Dili, Ang Dios gayud kanunay mao ang una nga mohatag.

Usab, wala Siya mag sulti kanato kon unsaon kita Niya pag panalangin. Kon kita magpugas, mao usab kana ang atong paga-anihon, apan tingali dili salapi alang sa salapi, ug uban pa. Adunay ubang Kristohanon nangalugda o mi-tagam sa paghatag tungod kay sa diha nga sila mihatag ug salapi ngadto sa ilang simbahan, ug uban pa., wala sila makadawat ug salapi ingon nga balos. Tingali napakyas sila sa paghunahuna sa mga panalangin sa Dios nga gihatag ngadto kanila. Sa diha nga kita mohatag ingon nga balos sa usa ka panalangin, ug dili aron nga kita makadawat ug panalangin, mahimo kitang malipayon ug kontento nga maghahatag.

Sa pagpadayag sa kamatuoran mahitungod niining maong hilisgutan usa ka talandugon o makuyaw, tungod kay kadaghanan sa mga Kristohanon gikatudloan, ug nagatoo, nga kabubut-on sa Dios alang kanila ang paghatag ug “ikanapulo,” ang buot ipasabut paghatag ug ikanapulo nga bahin sa tanan nilang kinitaan. Labaw pa sa kadaghanan “kinaunhan” pundok sa mga Kristohanon nahimong tig-a bahin niini. Ug uban niining maong pagdasig ang pasidaan nga ang pagpakyas sa paghatag sa ikanapulo maga resulta ug nagkadaiya nga sangputanan, labina gayod ang pag-angkon ug kulang sa kauswagan.

Sa daghang mga pundok, nahimo kining labaw pa sa pagpangilad ug salapi diha sa mga kasimbahanan, nga ang mga Pangulo sa mga simbahan nagagamit ug ligwat sa matinud-anong tinguha sa mga tawo sa pagbuhat sa kabubut-on sa Dios usa ka matarong aron pag-puga sa salapi gikan kanila. Ang maong mga pangulo nagasangyaw nga ang Dios naga sulti nga matarong ang pag hatag bisan ug ikanapulo nga bahin sa imong tanan nga kinitaan- ngadto sa imong pundok. Ingon nga resulta sa maong pagpamugos, ang paghatag ug salapi-anong butang, alang sa daghang mga Kristohanon, nahimong walay kalipay, pinahimutang nga buhat sa “pagsoborno” sa Dios aron malikayan ang nagkadaiya nga sangputanan sa dili paghatag, ug ingon nga pag paningkamot sa pag angkon sa Iyang kalooy (butang nga anaa na kanila!).

Alang sa ubang daghang Kristohanon nga kinsa naghatag nga malipayon maka-usa, ang paghatag ug salapi-anong butang dili na paga buhaton. Sila mihunong na sa paghatag, tingali tungod kay sila nasakit ug gikapuyan na sa pagpamugos ngadto kanila, o kaha sa tinuod dili sila makahimo paghatag ug ikanapulo, o ilang nakita nga ang salapi nga ilang gihatag wala magamit sa maayo ug mibati sila nga gilimbongan sa diha nga sila mohatag.Wala niining maong mga batasan – ang paghatag nga walay kalipay o dili mohatag – matarong sa Biblia, dili usab kini kabubut-on sa Dios, ug busa kining duha makadaot sa usa ka magtotoo. Nga kana haum gayod sa Juan 8:32, diin si Hesus nagaingon nga ang pagkasinati nga pagkahibalo sa kamatuoran, ang bout ipasabut, pagbuhat niini, maka hatag niadtong nagabuhat ug kagawasan. Sa kalahian, ang sayup nga kahibalo mahitungod sa Biblia (ang kamatuoran) maka hatag sa tawo ug pagka-binilanggo. Ug ang paghatag ug salapi-anong butang mao ang dapit diin dili maihap nga mga Kristohanon nailalum sa pagkaulipon sa hunahuna nga sad-an ug nailalum sa pagbati nga napugus nga dili unta angayan alang kanila.

Kon imong gibati nga ang nasulat sa itaas naghulagway mahitungod kanimo, pamalandongi kini, tungod kay ikaw makabaton ug kagawasan pinaagi sa kamatuoran sa Pulong sa Dios. Ug unya makahimo usab ikaw sa pag pahat ngadto sa uban mahitungod sa bahandi nga imong nakaplagan. Sa atong malisod nga panahon karon, ang pagbaton ug maayong kahibalo mahitungod sa salapi ug mga materyal nga mga butang mao ang pinaka dako nga bahandi sa kinabuhi. Sa pagkahibalo ug pagbuhat kon unsa ang gisulti sa Pulong sa Dios mahitungod sa salapi-anong paghatag makahimo kanimo pagsinati sa kalipay sa paghatag, ug kini usab makahimo sa uban diha sa Lawas ni Kristo sa pagsinati sa kalipay sa pagdawat ug busa ang ilang panginahanglan matagbo, aron nga atong masangyawan ang himalatyon nga kalibutan pinaagi sa Maayong Balita sa Dios.

Ang pagtoon sa Daang Tugon maga pakita nga ang paghatag ug ikanapulo gitukod ingon nga bahin sa Balaod ni Moises ngadto sa Israel. Adunay mga Kristohanon nga mo-tudlo sa Genesis 14 ug / kaha 28 sa sayup nga pamaagi sa pagpamatuod nga ang paghatag ug ikanapulo gitukod sa wala pa ang kasugoan ni Moises ug busa aduna pay kalabutan sa mga Kristohanon karon. Ang ilang rason mao nga si Abraham naghatag ug ikanapulo nga bahin sa tanan niyang inilog sa gubat ngadto kang Melchisedek, ug tungod kay si Jacob mipili sa ikanapulo nga bahin ingon nga kantidad nga ihatag ngadto sa Dios tungod sa pagbantay kaniya sa iyang panaw. Busa kini mao ang kantidad nga gisugo sa Dios nga ihatag sa tanang mga tawo. Kini dili maayo nga biblikanhon nga pagsabut.

Ang Genesis 14 nahitabo kapin kon kulang mga 2000 ka tuig human ni Adan ug Eva, ug nianang maong mga panahon walay matudlo nga bersikulo sa Biblia mahitungod sa ikanapulo. Usab walay nasulat nga si Abraham naghatag ug ikanapulo ingon nga resulta sa pipila ka mga balaod sa biblia nga naga tudlo kaniya sa pagbuhat sa ingon, ug siya sa tinuod “nagbuhat ug salapi!” Sa diha nga siya mihatag ug ikanapulo, dili kadto bunga sa pag-uswag sa iyang mga binuhi nga mga mananap ug kahayupan, nga kadtong gisugo sa Balaod, kondili sa iyang mga inilog gikan sa gubat nga iyang naangkon pinaagi sa iyang pagpildi sa mga sundalo nga gikan sa Mesopotamia.

Ang Genesis 28, si Jacob nag-ingon nga kon Siya maga bantay kaniya sa iyang panaw, mag tipig kaniya, maga bisti ug magpakaon, ug magadala kaniya ngadto sa iyang puloy-anan nga malinawon, siya maghatag sa Dios ug ikanapulo nga bahin sa anaa kaniya. Kana sa pagkatinood dili ang ikanapulo nga gisugo ni Moises, nga gisugo bisan pa kon ang maong mga butang mahitabo o dili. Sila si Jacob ug si Abraham naghatag ingon nga balos sa mga panalangin.

Kanunay ka nga makadungog sa mga tagpasaka ug ikanapulo nga nag ingon nga sa pagkatinood ang mga Kristohanon dili magabuhat ug diyutay kay sa gibuhat sa mga Hudiyo sa Daan nga Testamento, ingon nga ang mga Israelita naghatag ug ikanapulo sa ilang kinitaan. Ang tinagsa-tagsa nga pagtoon mahitungod sa ikanapulo dili mahatagan ug pagtagad niining gamay nga basahon FAQ o Kasagarang Gipangutana nga Pangutana, apan igo na ang pag-ingon nga ang mga Israelita naghatag ug ikanapulo sa ilang kinitaan ( ug busa ang matag Kristohanon kinahanglan magabuhat usab sa samang paagi) kini halayo gikan sa kamatuoran.

Pananglitan, ang Israelita nga adunay mga baka nga dili muabut ug napulo sa maong tuig dili siya mohatag ug ikanapulo tungod kay ang sugo nagaingon nga ang ikanapulo nga mananap nga mulabay sa sungkod mao ang ihatag ingon nga ikanapulo (Levitico 27:32). Ang mag-uuma nga adunay walo lamang ka mga baka walay labut sa ikanapulo.

Ang ikanapulo alang lamang sa mga hayop ug mga produkto nga pang agrikultura, ug kini bayaran sumala sa matang (ang bout ipasabut, ang produkto mismo). Kon si bisan kinsa nga tawo ang dili gusto nga mohatag sa iyang ikanapulo sa mga produkto nga pang agrikultura, ug magpili nga mohatag siya ug salapi ingon nga puli, siya pagasilotan ug iyang dugangan ug ikalimang bahin sa iyang banabana nga bili ngadto sa kantidad nga iyang gibayad (Levitico 27:31). Ang maong balaod sa walay duhaduha dili alang sa pagdasig sa pagbayad ug ikanapulo nga salapi.

Ang pinaka tumong sa ikanapulo mao ang pagsuportar o tabang sa mga saserdote o pari nga mga Lebita. Ang mga Lebita mao ang mag-alagad sa mga tawo, ug nga gidid-an nga makaangkon ug yuta, dayag nalang kaayo nga adunay kinutuban sa ilang pagpangita ug pinangitaan. Ang plano sa Dios mao nga ang ilang suportar nagagikan sa ilang gi-alagaran , sama usab sa gitudlo sa Kasulatan alang sa Iglesya sa atong panahon karon (1 Mga Taga Corinto 9:1ff; Mga Taga Galacia 6:6ff, ug uban pa). Ang ikanapulo usab naghatag ug kaayohan alang sa mga balo, mga ilo, ug uban pa.

Usa ka rason ngano nga walay sugo sa paghatag ug ikanapulo hangtod sa Balaod ni Moises tungod kay niadtong panahona wala pay Tabernakulo (Tigumanan nga Tolda) ug walay Templo, walay nabatasan nga sakripisyo nga gisugo (ang matag adlaw nga sakripisyo nga gisugo sa Balaod nagkinahanglan ug labaw sa 700 ka mananap sulod sa usa ka tuig), ug walay bisan unsa nga mahatag ngadto sa mga pari nga Lebita. Ug wala nay labut ang Iglesya sa atong panahon karon, bisan pa kon kini aduna pa niining panahona karon.

Ang Kristohanon ba niining panahona karon maghatag ba ug ikanapulo? Ang matag usa adunay kagawasan sa paghatag ug 10% kon kini iyang pilion, apan wala kita sugoa sa paghatag ug bisan unsa nga porsento o kaha kantidad. Makasusubo nga isulti nga daghang mga Kristohanon, kausa nahisalaag ug kasagaran ang pagbati napugus sa paghatag ug ikanapulo, ug mihunong sila sa paghatag sa diha nga sila nasayod nga ang ikanapulo wala na kinahanglana. 2 Mga Taga Corinto 9:6 ug 7 naga tataw gayud nga kon kita “magpugas” sa madagayaon gayud uban sa maayo nga pagbati, mo ani usab kita sa labaw pa kamadagayaon.

Alang sa uban nga magtotoo nga gamay ra ug kinitaan, ang paghatag nga malipayon wala nagpasabut ug dako nga kantidad. Alang sa uban, tingali nagkahulogan ug minilyon ka dolyar, ug labaw pa sa 10%. Ang matag Kristohanon managlahi ug kahimtang, ug mao kana ang rason ngano nga ang Dios wala magsugo ug tino nga kantidad nga atong ihatag, apan nagatugot kanato nga mobuhat sa atong kaugalingon nga pagpili sa paghatag. Hinumdumi, nga kita “isigka-magbubuhat” kauban Kaniya, ug Siya mahigugma nga mobuhat kauban kanato sa pagtimbang-timbang kon pila ang atong ihatag ug kon asa nato ihatag, ug Siya mahigugma sa pag panalangin kanato sa dugang pa aron nga kita maka hatag usab ug dugang. Kana mao ang matang sa paghatag nga makahimo alang mas malipayon nga elemento sa Kristohanon nga kinabuhi.

Tingali moingon ka, “Oo maayo, apan unsa man ang bahin sa Malaquias 3:6-10? Nag-ingon nga ang mga tawo nga dili mohatag ug ikanapulo ‘nangawat sa Dios.”’ Ang maong mga bersikulo gigamit sa dili maihap nga higayon aron sa pag apura sa mga Kristohanon aron mohatag, apan hulat usa ug makadiyot – ALANG NI KINSA ang Malaquias gisulat? Oo, diha sa bersikulo 9 sa kapitulo 3 nag-ingon “ang tibook nasod” ilalum sa tunglo. Unsa nga nasod? Ang U.S.A.? Dili, ang libro sa Malaquias gisulat ngadto ug alang gayud sa nasod sa Israel, ug labi na gayud ngadto sa mga saserdote (tan-awa ang 1:6,10-13;2:1,7 ug 8) nga sa labihan gayud nanamastamas sa katawhan sa Dios. Ang pag gamit sa mga bersikulo gikan sa Malaquias nga mora ug sila makigsulti sa mga Kristohanon mao ang pinaka barot o dili maayo nga kahibalo ug labing dautan nga panglimbong.

Karon unsa man ang kinahanglan nga buhaton sa mga Kristohanon mahitungod sa salapi-anong paghatag? 2 Mga Taga Corinto 8 ug 9 mao ang una nga dapit nga atong adtoan aron makaplagan nato ang tubag sa maong pangutana, ug ang kasingkasing sa mensahe gipadayag sa 9:7: “Busa kinahanglan mohatag sumala sa iyang gusto, ug dili magbagutbot ni maghunahuna nga gipugos siya, kay ang Dios nahigugma sa naghatag nga malipayon.” Kon, alang kanimo, kana ikanapulo ka bahin, maayo.

Labaw pa niana, Ang Kasulatan nagatudlo kanato sa paghatag ngadto sa nag alagad kanato nga matinud-anon sa mga espirituhanon nga panginahanglan. Kon kana atong paga buhaton, atong gibuhat ang maayo nga pagpamuhunan (nga sa ato pa, sa atong pagpugas) ang buhat nga mobunga ug maayong espirituhanong bunga. Bisan pa kon dili kita makatabang sa tanan nga mangayo kanato, kita usab gidasig sa paghatag ngadto sa mga nanginahanglan, ug kita makapangayo ug kaalam sa Ginoo sa pag buhat sa ingon.

Alang sa Kristohanon, ang paghatag nga gikan sa kasingkasing mao ang pagkahibalo nga kita nasayod nga aduna kitay maayo, dako, kahibulungan nga Dios, ug usab sa pagsabut kon kinsa kita diha kang Kristo. Kon ang batasan sa mga magtotoo sa Mga Taga Corinto mahitungod sa paghatag sa salapi-anong bahin maoy paga hisgotan, si Pablo miingon: “ Ug ang gibuhat nila labaw pa kaayo kay sa among gipaabot! Una sa tanan, gitugyan nila ang ilang kaugalingon ngadto sa Ginoo; ug unya, pinaagi sa pagbuot sa Dios, gitugyan usab nila kanamo ang ilang kaugalingon” 2 Mga Taga Corinto 8:5). Ingon nga Kristohanon, ang matag usa kanato “gipalit na sa usa ka bili.” Kita (uban ang atong mga materyal nga mga kabtangan) dili kita maoy tag-iya. Kon ikaw nasayod nga ang Ginoo maoy nanag-iya kanimo, ug nga ang tanan nga anaa kanimo iya sa Ginoo, ug nga siya mao ang adunay katungod nga motuman sa iyang mga saad sa pag atiman kanimo, nan sa pagkatinood mahimo ka nga malipayon nga maghahatag.