Ang Spirit & Truth Fellowship International usa ka Katilingban sa Kristohanon sa tibuuk kalibutan kinsa naga-tinguha sa pag-pahayag sa Pulong sa Dios ingon sa pagsangyaw sa Maayong Balita sa atong Ginoong Hesu Kristo. Alang sa kasayuran ug subay sa balaod, kini usa ka dili negosyo, walay bayad sa buhis sa United States (Indiana) nga korporasyon.

Ang panagtigum ug kapunungan mga kasangkapan sa pagpangalagad, apil ang among mga bulohaton ug ang tinubdan (tabang sa pag-alagad ug mga salapi-anong bahin) nagalihok ilalum sa bandila sa Spirit & Truth Fellowship International. Ug sa samang higayon, Ang Christian Educational Services mao ang tighimo ug kagamitan sa pagtudlo ug tig-imprinta, kini mga kasangkapan sa among pagpangalagad. Sa ingon, ang among pundok, sama sa lawas sa tawo, adunay duha ka mga kamot nga pinaagi niini makahimo nga gamiton aron sa pagkab-ot.

Ang among Panglantaw mao: "Ang tibuuk-kalibutan nga panagkatigum sa matinud-anon nga mga Kristohanon nga nag-kinabuhi sa kamatuuran uban sa gugma"

Ang among Tumong mao: "Sa pag-hatag ug maayo, haum sa Biblia nga pagtulon-an ug pag-tukod ug usa ka minanduan sa espiritu nga katiguman aron ang tanang mga tawo adunay kahigayonan nga maluwas ug modangat ngadto sa kahibalo sa kamatuuran, ug modangat ngadto sa adunay kausaban nga panag-relasyon uban ni Hesus Kristo ug mahimo nga mag-kinabuhi diha hamtong ug matinud-anon nga Kristohanon."

Ang Spirit & Truth Fellowship International makahimo sa kinatibok-an nga tumong pinaagi sa mga mamumulong, audio ug videotapes, mga libro, ug mga basahon, ingon man ang nagkadaiya nga camps and conferences alang sa tanang panuigon... Ang among pagpanudlo nag punting ngadto sa Pagka Ginoo ni Hesu Kristo sa ilang kinabuhi. Ang mga materyal nga gibuhat sa Spirit & Truth Fellowship International gimugna aron sa pag-tabang sa matag usa alang sa pagtubo sa espirituhanong pagtubo ug ingon man sa pag-tabang sa lokal nga mga panagkatigum ug mga kasimbahanan. sa kapunungan uban sa mga magtotoo nga managsama ug gitouhan. Among gidasig ang mga Kristohanon sa pag-gamit niining maong mga pagtulon-an sa ilang lokal nga mga dapit.

Ang Spirit & Truth Fellowship gilangkoban sa International Headquarters ug ang international network sa independente nga mga grupo sa lokal nga mga Kristohanon. Kini nga "Katilingban sa Panagkatigum" gilangkoban sa mga magtotoo nga gawasnon nga nakig-uban kanamo tungod kay sila mi-uyon kon Unsa Ang Among Gitoohan ug sa among mga Sumbanan Sa Maayong Pamatasan, ug aron makita ang kalidad sa ilang kinabuhi ug mahimong mo-uswag pinaagi sa ilang pag-pakig-uban kanamo ug unsa usab ang among ikatabang. Ang among tumong mao ang “hingpit nga pag-alagad” diin ang tawo makahimo sa pag-duul ug makakaplag ug kahingpitan sa ilang kaugalingon, ingon man usab mahimong natad diin ilang magamit ang ilang kaugalingon nga pinasahi nga tawag diha sa Lawas ni Kristo.

Ang among ngalan gi-kuha gikan sa mga pulong ni Hesus sa Juan 4:23 nga ang Dios nangita sa mga tawo aron pagsimba Kaniya "sa espiritu ug sa kamatuuran." Ug kana lamang nga butang ang giingon sa kasulatan nga gipangita sa Dios, kami nagtoo niini nga katungdanan nga ang among pagpangalagad mahimong makasinati sa paagi kun unsaon pag-pasidungog sa atong Dios. Kami mao ang katilingban sa mga magsisimba, gihi-usa ug gibugkos pinaagi sa gugma sa Dios ug naghiusa pagtoo sa Iyang Pulong ("ang kamatuuran"). Kami naghatag ug kagawasan sa matag-usa ka magtotoo sa pag-apil sa among pagpangalagad aron pag-gamit sa iyang kaugalingong ug pinasahi nga gasa sumala sa iyang kaugalingon ug sa iyang personal nga relasyon uban sa iyang Ginoong Hesu Kristo.

Ang basihanan sa among pagkugi mao ang Biblia, nga among gitoohan nga mao ang Pulong sa Dios nga sa original nga sinulat walay sayop. Ang gi-tawag ug mga sayop, pagkasumpaki o kasukwahian mga resulta lamang sa makanunayong pag-panghilabut sa mga pagkopya sa teksto, dili sakto nga pag-hubad o kapakyasan sa pagsabut kon unsa ang gisulat. Ang Christian Educational Services nagkuha gikan sa tanan nga tinubdan nga makatin-aw sa pag-hingpit sa Kasulatan, sa dapit sa kina-adman bahin sa kaibabwan sa kayutaan, mga batasan, pinulongan, kasaysayan o mga sumbanan sa pag-hubad sa Biblia. Ang among tumong mao ang pagpangita sa kamatuuran sa walay pagsapayan sa tradisyon o "sa gikauyunan sa kadaghanan” [Alang sa dugang pagtoon, basaha ang "22 Ka Mga Sumbanan sa Paghubad sa Biblia".]

Si Hesus nag-ingon nga ang pag-kahibalo sa kamatuuran magahatag ug kagawasan, ug ang among pagpanudlo gibuhat aron mahimong mayo ang kinabuhi sa usa ka binuhat. Ang among tumong mao ang pag-hatag ug Maayong pagtudlo sa Biblia nga maka-tabang sa mga tawo aron sila makatagamtam sa mga bunga sa kaluwasan ug maayo nga pag-kinabuhi nga sama ni Kristo. Dihang ang pagsabut tukma, ang Pulong sa Dios magahatag og dakong kagawasan gikan sa kahadlok, pag duha-duha ug kabalaka ug maga-giya kini sa matag usa ka Kristohanon ngadto sa tinuud nga kagawasan, pagsalig ug kalipay sa kinabuhi. Labaw pa niini nga mga panalangin, ang among tumong mao ang pag-tabang sa mga magtotoon sa pagbuhat og kinaugalingon nga pagtoon sa Biblia, aron mapalambo niya ang iyang kaugalingon nga pagtoo, makahimo siya sa pag-lain sa tinuud gikan sa sayop, ug mahimong epektibong tigmantala sa Pulong sa Dios, ug mabungahon nga pag-kinabuhi diha sa katilingban uban sa laing matinudanon nga mga Kristohanon.

Unsa Ang Christian Educational Services?

Ang "Christian Educational Services," mao ang una nga ngalan sa among pagpangalagad, ang mantalaan ug uban nga gibuhat kabahin sa Spirit & Truth Fellowship International. Kini nagalangkob sa pagdukiduki, pagpanudlo, ug pag-himo ug mga libro, teyp, videos, ug uban nga galamiton sa pagtoon ug alang sa pag-himo ug bulohaton sa uban nga mga nasod.

Bisan kinsa nga adunay tinguha sa pag-susi sa iyang gitouhan sa Balaang Kasulatan maka-kuha ug dakong kapuslanan gikan sa among mga pagpanudlo. Wala kini pundok nga gidapigan, ug kini alang sa pag lig-on sa matag usa ka pagtoo sa Dios, ni Hesu Kristo, ug sa Biblia, sa walay pagsapayan kon unsa ang iyang pundok nga gipili. Gihimo kini, una sa tanan, alang sa kinaugalingon nga pagtoon diha sa panimalay, ang mga pagtulon-an maoy resulta sa halawum nga pagtoon ug sa pamaagi nga makatarunganon, nga naghimo niining sayon sundon, sutaon ug kinabuhi-on.