Ang Balaang Kasulatan mao ang kasing-kasing sa Dios nga gipadayag alang sa mga katawhan. Ang rason ngano nga ang Dios gusto nga kita mahibalo sa kamatuuran mao nga aron kita mag-kinabuhi niini ug atong ikapaambit ngadto sa uban. Ang Dios gusto nga kita mahimong mga “mag’aawat o tig-sundog” Kaniya, ug ang Iyang pinaka-labaw nga kinaiyahan mao ang gugma. Ang Kamatuuran nga walay gugma kakawangan; ang gugma nga walay kamatuuran makahinuklug. Kami nagtoo nga ang mga musunod labi’ng hinungdanon sa Kasulatan, hinungdanon tungod kay ang sayop nga pagsabut niini maka kulang sa kalidad sa usa ka kinabuhi, nga mao ang iyang kagahum sa pagtahod ug pagsugot sa matuud nga Dios ug sa iyang Anak.

Kami Nagtoo:

1. Nga ang Kasulatan “gidihogan sa Dios,” hingpit sa orihinal nga pagka-sulat, walay sayop o panagsumpaki, ug nag sangkap ug bugtong tinuud malungtaron nga sukaranan alang sa pagtoo. Ang pagsabut sa Kasulatan makab-ot pinaagi sa pag-gamit ug matarong nga pangatarungan ug maayong sumbanan sa pag-hubad sa Biblia, uban sa espiritu sa Dios nga ania sa sulod nato.

2. Nga ang Dios, mao ang mag-bubuhat sa kalibutan, ang Amahan ni Hesu Kristo, mao “ang bugtong matuud nga Dios” (Juan 17:3), balaan ug bulag gikan sa tanan niyang mga binuhat. Usa Siya ka personal nga Dios nga nagpadayag sa iyang kaugalingon pinaagi ug mga sinulat.

3. Nga si Hesu Kristo, ang “Katapusan nga Adan,” mao ang bugtong Anak sa Dios. Natawo siya sa berhin Maria, nag-kinabuhi sa walay sala nga kinabuhi. Nag-antos ug namatay ingon nga bayad alang sa mga sala sa tanan nga katawhan, nabanhaw gikan sa mga patay ug gibayaw siya sa Dios nga iyang Amahan ingon nga “Ginoo “.

4. Nga ang “Balaang Espiritu” maoy laing ngalan sa Dios, samtang ang “balaang espiritu” mao ang balaan nga kinaiyahan sa Dios nga iyang gihatag ngadto sa tawo sa diha nga siya matawo pag-usab, ang “espiritu sa kamatuuran” nga gisaad ni Hesus. Kining duha Iyang gihatagan ug kalahian sa diha nga siya miingon, “ug ang gi-anak sa Espiritu, espiritu usab” Juan 3: 6.

5. Nga ang tanan nga siyam ka “pagpadayag” sa gasa sa Dios (balaang espiritu) kini magamit ug takos tinguhaon ug mapuslanon alang sa matag magtotoo aron magapanglihok pinaagi sa pagtoo. Uban sa pagpanglihok sa Dios.

6. Nga karong panahona, sa “pagdumalahan sa bililhong tinago” ang kaluwasan magpabilin o dili mawala alang niadtong bisan kinsa nga misugid nga si Hesus mao ang Ginoo ug nagtoo nga si Hesus gibanhaw sa Dios gikan sa mga patay. Kami nagtoo nga bisan kinsa nga mo-uyon ug musunod sa Mga Taga Roma 10:19, “luwas” siya.

Ang “pag-katawo pag-usab,” “gidihogan” “nasul-oban sa gahum gikan sa langit” ug na-bautismohan uban sa balaang espiritu.” Kining mao nga bautismo sa balaang espiritu mao ang “usa ka bautismo” sa Mga Taga Efeso 4:5.

7. Nga sa diha nga ang tawo mamatay, ang iyang kinabuhi mawala ug wala na siyay kinabuhi bisan asa nga dapit o bisan unsa nga matang. Magpabilin siya nga patay (“natulog”) hangtod nga siya “pukawon” gikan sa mga patay pinaagi ni Ginoong Hesus aron paga-hukman ngadto sa kinabuhi nga walay katapusan o kaha ngadto sa walay katapusan nga kamatayon. Ang bugtong nga paglaum alang sa mga nangamatay mao ang pagkabanhaw sa mga tawo gikan sa mga patay pinaagi ni Ginoong Hesu Kristo, ang unang nabanhaw gikan sa mga patay.

8. Nga adunay Bibliyanhong nga kalahian tali sa Iglesya ang Lawas ni Kristo ug sa Israel. Ang Iglesya mao ang mga magtotoo karon ug nagsugod kini sa adlaw sa Pentekostes ug matapos sa Pagsakgaw sa mga Kristohanon, sundan sa panahon sa kasakitan alang sa Israel ug unya ang pag-hari ni Kristo sulod sa usa-ka-libo ka tuig dinhi sa Kalibutan. Ang “Sekreto””Tinago” nga gipadayag diha sa Mga Taga Efeso mao kadtong gikan sa mga Hudiyo ug mga Hentil nga mahimong isig-ka-manununod, isig ka umalambit ug kabahin sa usa ka lawas (usa ka bag-o nga lawas”). Kining mao nga tinago wala ika-padayag sa Daan nga Kasulatan, sa Ebanghelyo o kaha sa Libro sa Pinadayag, ug kini unang gipadayag ngadto kang Apostol Pablo. Ang mga Sinulat alang sa mga Iglesya (Mga Taga Roma ngadto sa Mga Taga Tesalonica) ang Kasulatan nga gisulat alang sa mga Magtotoo.

9. Nga ang Ginoong Hesus mao ang Ulo sa tanan nga butang ngadto sa Iglesya, Iyang Lawas. Ang mga pangulo sa mga Simbahan nag dawat sa ilang katungod sa pagmando alang sa pag-alagad sa diha nga sila mag-lakaw nga takos sa ilang tawag hangtod sa katapusan lamang ug nga ang ilang panig-ingnan o pag kinabuhi balosan ug pagtahod gikan niadtong ilang gi-alagaran.