Ako nalipay nga ikaw nangutana, tungod kay mao kini ang usa sa mga kinaham nako nga hilisgutan, ngano tungod kay usa kini ka praktikal. Imong mahibaloan kon unsa ang buot ko nga ipasabut kon ako nang tubagon kining talagsa ra mahitabo nga pangutana. Sa naandan niining maong FAQ’s ang akong minubo ug biblikanhong-nilangkub ug kinabildong batbat nga adunay kalambigitan sa akong tubag nga hinashasan pag-ayo anaa sa libro ug / kaha tape sa Christian Educational Services. Niining bahina, ang 90 minuto nga tape gitawag ug Eat, Drink and Remember,

Ngano man nga ang serenonyas uban ang tinapay ug bino gitawag man ug balaang “pagkalawat” gikan kini sa 1 Mga Taga Corinto 10:16 sa KJV: “Ang kopa sa panalangin nga tungod niini gipasalamatan nato ang Dios-dili ba kini pakig-ambit man nato sa dugo ni Kristo inig-inum nato gikan niining kopa? Ug dili ba pakig-ambit man nato sa lawas ni Kristo inig kaon nato niining pan nga atong gipikaspikas?” Ang Griyegong pulong nga gi hubad ug “Pagkalawat” mao ang koinonia, ug kini nagkahulugan ug hingpit nga pakig-ambitay. Sa Iningles, atong makita nga ang pulong “Pagkalawat” nagkahulugan ug “panaghiusa uban” nga ang buot ipasabut pagkausa, ug mao kana ang matuud nga kahulogan, sumala sa atong makita.

Una labaw sa tanan, bisan unsa pa ang gigamit nga elemento sa simbahan o kaha unsa ka subsub kini nilang gibuhat o kaha unsa ang ilang gitawag niini, ang pagkakasagaran mao nga ang mga sumasalmot niini naga kaon ug naga-inum ug usa ka butang. Atong sundon ang ugat sa Kasulatan, sugod sa Mateo 4, diin si Hesus sa dihang gi tintal sa Yawa. Si Hesus wala mokaon sulod sa 40 ka adlaw, ug ang yawa mi tintal kaniya nga ang bato himoon niya ug pan ug kaonon niya kini. Si Hesus mitubag, “Dili mabuhi ang tawo sa pan lamang, kon dili sa matag pulong usab nga isulti sa Dios” (Ang tanang Kasulatan gi kutlo gikan sa NIV).

Tan-awa, Adunay biblikanhong kahulogan nga ikakompara sa pagtoo sa Pulong sa Dios ang pagkaon. Huna-hunaa kini-ipasulod sa imong huna-huna ang sinulat nga Pulong sa Dios ingon nga imong kaonon ngadto sa sulod sa imong lawas ang kan-onon ug ilimnon. Adunay daghang panig-ingnan niining mapasumbingayong kaamgid sa Kasulatan, sama sa: “ Tilawi ug tan-awa nga ang Ginoo maayo” ( Salmo 34:8a); Ang akong katawhan.... naga salikway kanako, ang tinubdan sa buhing tubig” (Jeremias 2:13a); “ Ang akong pagkaon mao ang pagbuhat sa kabubut-on sa nagpadala kanako ug paghuman sa iyang buhat” (Si Jesus sa Juan 4:34). Ang usa nga atong susihon pag-ayo mao ang “Ako ang tinapay sa kinabuhi” (Juan 6:35).

Karon atong isipon kon unsa ang pag kaon ug pag inum. Hulagwaya kini: ikaw ug ang Snickers, ikaw ug ang tofu, ikaw ug ang usa ka bag nga Doritos, bisan unsa. Unsa may imong pillion? (1) mo lakaw ka palayo, ug dili nimo madawat ang kaayuhan sa pag-usap ug pag tulon niini.(2) Imo kining i-hungit, ug usapon kini, ug iluwa, usab dili nimo madawat ang kaayuhan o ang kadautan gikan niini. (3) Usapon ug tunlon kini, dawaton ang makaayo o ang makadaut gikan sa mga panakot niini.

Hain man nianang tulo nga makaingon ka nga nag hatag ug hingpit nga pagsalig sa maong butang? Duh, ang numero tres. Ang tiyan nagagaling niini, sa diha nga ikaw magatulon ug bisan unsa, ikaw “usa” uban niini gikan sa imong pagkaon.

Kinsa ang nag-inbento sa pagkaon ug pag-inum? Husto, ang Dios maoy nag-inbento. Ganahan kaba nga mo kaon ug mo inum? Ang Dios ba nagahimo ug mga lamian nga pagkaon aron pagakaonon ug pagainumon? LAMI! Unsay mahitabo kon ikaw dili mokaon ug mo inum? Husto, ikaw mamatay. Nakamatikod kaba nga kadaghanan sa mga tawo maga buhat ug bisan unsa aron lamang maka kuha ug makaon ug tubig? Daghang mga dinakpan ug binilanggo sa gubat nga naga sugilon nga sila mikaon ug bakukang, halas, mga pan-os nga mga “pagkaon” ug uban pa., aron lamang magpabilin nga buhi.

Ug karon, unsa kaha kon ang Dios nagahimo sa tanang pagkaon nga atong gikinahanglan nga kaonon aron kita mag pabiling buhi nga walay lami? Ato gihapon nga kaonon, diba? Siguro, tungod kay kon dili ta mokaon mamatay ta, ug kita gi programa na nga maningkamot nga magpabilin nga buhi. Apan unsa ka makapatingala sa Dios sa pag buhat sa mga butang nga kinahanglan natong buhaton aron kita magpabilin nga buhi sa butang nga atong gusto nga buhaton!

Nagatoo ba ikaw nga ang katapusang pulong adunay kalabutan sa espirituhanong butang? Sigurado aduna. Ang pagtoo sa Pulong sa Dios mao ang labing gikinahanglan aron mahimong matawo pag-usab ug makabaton ug kinabuhi nga walay katapusan, ug sa pagtoo ug pagtuman niini mao ang labing gikinahanglan alang sa atong kinabuhi karon ug alang sa mga ganti nga atong madawat sa diha nga ang Ginoong Hesus igapadayag na. Ug ang paglakaw kauban sa Dios ug sa Ginoo LAMI!!! Wala nay lain pang labaw nga makatagbaw kay sa pagsugot sa Dios ug sa pagsalig Kaniya nga maga buhat sa iyang mga saad alang kanato.

O.K. balik ta sa Biblia – Juan 6. Diha sa mga bersikulo 1-15, mao kini ang nahitabo: Si Hesus miadto ug piknik uban sa daghang mga tawo nga ang matag usa nakalimot sa pagdala ug pagkaon alang sa paniudto. Aron sa nagapahimulos sa kahigayonan nga ang iyang mga tinon’an kahatagan ug dinali-an nga pasulit, siya misulti kanila kon unsay ilang buhaton aron ilang mapakaon ang dakong panon sa mga tawo nga gibanabana nga muabot ug mga 5000 ka tawo. Wala sila makapasar, nagaingon “dili gayud.” Adunay usa ka bata nga nagdala ug lima ka gagmay nga pan ug duha ka gagmay nga isda, apan walay mga lamas.

Si Hesus nag sugo sa mga tinon’an nga ilang palingkoron ang mga tawo diha sa kasagbutan, gikuha ang pan ug ang isda, nagpasalamat sa Dios, ug gipanghatag ang pan nga adunay palaman nga isda ngadto sa matag-usa – kutob sa ilang gusto! Ug ilang gidala and mga mumho nga mapuslan pa!

“TANAN IMONG MAKAON!” Nakakita kana ba niining maong mga pulong nga nasulat diha sa pahibalo o kaha sa panapton gawas sa restawran? Kana ba nga mga pulong nakapaikag kanimo sa pag adto didto? Alang kanako, Ganahan ko sa maong mga pulong, ug ako nasubo sa pagsulti nga dili ako uban sa diha nga ang akong mga kauban sa football sa nagtoon pa ako sa kolehiyo sa gabii nga sila miingon nga muadto sa restawran aron sa hinangal nga pagsaulog.

Apan unsa kaha kon imong makita ang maong mga pulong, muadto ka sa maong restawran, ug imong mahibaloan nga sila nag alagad ug mga kagamitan sa panimalay? Bisan ug adunay Heinz nga kitsap, ang tumbanan dili mapaubos. Dili, gusto ka nga ang TANAN NIMO NGA MAKAON mahimong lami. Adunay usa lamang ka butang nga makahimo niini nga maayo, ug kana mao nga kini mora usab ug libre. Kon imong makita ang maong kan-anan, mobalik kaba? Apan unsa kon sa diha nga muadto ka, imong makita nga sila mibalhin na sa laing dapit? Mohunong ka ug muadto na lamang sa McDonald’s? Dili ko motoo niini.

Unsa kaha kon ikaw apil sa panon sa mga tawo sa dihang si Hesus nagpakaon? Wala ba sila maka kuha sa tanang lamian nga pagkaon sumala sa ilang gusto nga kan’on ug libre nga pagkaon? Ug mao kana ang hinungdan, sa diha nga sila nakamatikod nga ang tinubdan sa ilang panginabuhi mibalhin na didto sa lain nga daplin sa lanaw, nanakay sila sa mga baroto ug ilang gipangita siya (Juan 6:24ff). Sa nakaplagan na nila si Hesus, si Hesus miingon kanila, “Ako nasayod ngano nga inyo akong gipangita – dili tungod kay inyong giila ang mga milagro nga akong gibuhat, apan tungod kay kamo gusto ug dugang lami, walay bayad nga pagkaon – tanan imong mahimong kaonon.”

Ug unya, sumala sa iya nang naandang gi nabuhat, si Hesus nagapahimulos sa makita, linawas nga panghitabo aron sa pag tudlo sa espirituhanong kamatuuran. Siya miingon, “Ayaw kamo paghago aron sa pagbaton ug pagkaon nga alang lamang sa inyong lawasnon nga kinabuhi, kon dili sa kalan-on nga molungtad ngadto sa kinabuhing walay katapusan.” Sila miingon, “Unsa?” Siya mitubag, “Kanang maong paghago mao ang pagtoo kanako ingon nga usa ka pinadala gikan sa Dios.” Karon tan-awa kini bersikulo 30 sila nangutana: “Unsa mang milagroha ang imong ipakita kanamo aron manoo kami kanimo?” Ug ang bersikulo 31: “Sama sa mana nga gipangaon sa among katigulangan didto sa kamingawan.”

Maghisgot kita mahitungod ug pag-pugong sa kaugalingon – unsaon kaha ni Hesus nga dili siya makapamulong ug sumbalik sama sa “Tabi una, diba kamo raman gihapon tong mga tawo sa piknik? Naghunahuna ba kamo kon dis-a gikan kadtong mga pan nga dunay palaman nga isda? Kapila pa kaha nako ikapadayag nganha kaninyo sa tataw gayod?” Apan siya miingon, sa tinuod, “Ang mana nga gihatag ni Moises nagatudlo kanako. Ako ang tinuod nga pan nga gikan sa Dios.” Ang dakong panon sa mga tawo naga hunahuna gihapon mahitungod sa pagkaon alang sa lawas, ug mitubag, “OK, mangayo pa kami ug dugang.

Ug unya, sa bersikulo 35, si Hesus sa tataw gayud naga pakita ug sulosama nga panghitabo nga atong makita sa Mateo 4:4. Siya miingon “Ako mao ang pan sa kinabuhi. Siya nga moduul kanako dili na gayod paga gutumon, ug siya nga motoo kanako dili na gayod paga uhawon.” Pagkahuman gayod sa (bersikulo 51-58), iyang gi balikbalik nga siya mao ang pan nga gikan sa Dios, ug ang bisan kinsa nga “mo kaon sa iyang unod” ug “mo inum sa iyang dugo” makabaton ug kinabuhing walay katapusan. Usa ka pagtoon sa kultura sa mga Hudiyo nagapakita nga ang panultihon nga gigamit ni Jesus “pagkaon sa iyang unod, ug uban pa.”) Nag pasabut ug pagtoo sa mga pulong nga gisulti sa usa ka tawo.

Dili ba kita usab nagagamit man usab ug sama nga garay sa panulti? Tinuud gayod. Unsa man ang imong isulti nga maka kuha sa atensyon sa tawo ug maminaw sa usa ka pagpamulong? Sa pagkatinuod siya gayod nag inum niini” o “Nagkaon siya niini.” Kita nagagamit nianang maong garay sa panulti aron atong masayran kon unsay buot ipasabut sa pag kaon ug pag inum. Pananglitan, dili “pag kaon” kon ang ice cream nga naa sa kono o kaha naa sa tukog diha sa imong agtang. Sama usab niana, dili usab “pag kaon” kon ang nagapaminaw nag lantaw sa bintana, nag yamyam sa iyang kaugalingon, uban pa. Ang boot ipasabut mao ang pag kuha ug usa ka butang alang sa iyang kaugalingon.

Ang nga tinon’an ba nga uban ni Hesus sa piknik mao ba usab nga mga tinon’an ang uban kaniya sa “katapusan nga panihapon”? Oo. Nakasabut ba sila kon unsay buot ipasabut tali sa pag kaon ug pag inum ug pagtoo sa mga pulong ni Hesus? Oo. Ug, sa pag tipig sa maong pasumbingay, unsay gisulti ni Hesus sa diha nga iyang gikuha ang una nga pan? “Kining pan mao [sa pasumbingay – “nagtimaan” sa akong lawas nga gihatag alang kanimo. Buhata kini alang sa pag handom kanako.” Buhat sa unsa? Kaon. Ug ang kopa: “Inuma kini alang sa pag handom kanako.”

Ang pangutana nga atong ipangutana karon mao nga bisan o kaha dili sa maong panihapon si Hesus naga tukod ug usa ka rituwal nga seremonyas alang sa iyang nga tinon’an aron paga saulogon? Kon mao kana, usa kini ka talagsaong butang ngano nga kita wala niya hatagi ug sumbanan nga atong sundon ug wala kita niya sultihi kon unsa ka subsub kini nato buhaton? Sa pagtapos, akong barogan nga siya nagaingon, “Sa diha nga kamo mokaon ug sa diha nga kamo maga inum, hunahunaa ako ug hinumdumi kon unsa ang akong gibuhat alang kaninyo.” Ug akong ipakita kanimo kon unsa kana ka praktikal.

Ang pagtoon sa mga unang-gatusan nga Iglesya nagapakita nga ang usa nga ilang gi nabuhat ug nabatasan nga gi sunod mao ang pagbuhat ug “Love Feasts.” o “Pangilin sa Gugma.” Kining mao nga panagtigum sa mga magtotoo gihimo alang sa daghan nga tumong, ang pinaka una sa tanan mao ang panaghiusa. Unsa ka sadya gayod kining pagkaon sa maayong pagkaon uban sa maayong mga higala, labina gayod kon ikaw wala magdali. Kining malipayon nga panahon sa pagpangaon mao usab ang panahon alang sa mga magtotoo sa pagkaon, pag inum, ug niini hinumdumon kon unsa ang nahuman nga buhat ni Hesus alang kanila pinaagi sa iyang kamatayon ug pagka banhaw. Labaw sa tanan, ang Pangilin sa Gugma nag alagad usab ingon nga paagi sa usa ka programa alang sa kaayohan sa mga magtotoo nga mga kabus. Kadtong makadala ug daghan nga pagkaon magdala, ug saluhan niadtong walay madala.

Ug mao kana ang kinatibuk’an nga kahulogan sa 1 Mga Taga Corinto 11:17-34, ang bahin sa Kasulatan nga kanunay wala hisabti. Hinumdumi nga ang unang sinulat ngadto sa Mga Taga Corinto puno sa mga pagsaway mahitungod sa daghan nilang kapakyasan sa pag aplikar bahin sa espirituhanong mga butang, ug ang katapusang tunga sa Kapitulo 11 naga tumong sa ilang pagtuis sa “ ang Panihapon sa Ginoo.” Bersikulo 20-22 tinuyo nga gi tumong sa ilang paghigugma, sa ilang kaugalingon lamang, pagka kusog mokaon, ug paghuboghubog niining maong panagtigum. Bersikulo 23-26 naga balik kon unsa ang gisulti ni Hesus sa iyang katapusan nga panihapon uban sa iyang mga tinon’an, ug kini maka walay pulos sa bersikulo 25 nga ang Griyego nga teksto mabasa, “… buhata kini …sa matag higayon nga kamo mo inum niini, sa pag handom kanako.”

Ang “sa paagi nga dili takos” sa bersikulo 27 nagatudlo balik sa ilang kapakyasan pag aplikar sa bersikulo 20-22 ug sa bersikulo 29, ang “Lawas sa Ginoo” nagpasabut ngadto sa Iglesya, ang mga magtotoo. Mahimong dili katoohan, bersikulo 30 nagapakita nga ang pagka kusog mokaon ug ang dili paghatag sa mga gikinahanglan sa mga huyang ug kabus nga magtotoo naghitak o nangibabaw sa hilabihan gayod, maoy hinungdan nga uban sa mga magtotoo tinuod nga namatay, Tungod sa pagka kulang sa pagkaon. Si Pablo nagdasig sa mga taga Corinto sa pag disiplina sa ilang kaugalingon niining mga butanga, ug naga tapos sa kapitulo pinaagi sa pag-ingon nga kon ang tawo dili magbaton ug maayong pamatasan diha sa Pangilin sa Gugma, kinahanglan nga magpuyo sila sa balay.

Sa paghatag niining mga pahimatngon diha sa Panihapon sa Ginoo, si Hesus ba sa tinuoray naghulagway ba ug inadlaw, sinimana, binulan, o tinuig nga seremonyas uban sa walay - lami nga ostya ug mga baso nga adunay sulod nga usa ka lad-ok sa bino? Wala ako nag hunahunaa niana. Ako magapamatuod nga siya nagdasig sa iyang mga tinon’an sa paghinumdom kaniya sa matag kaon o sa matag inum. Nianang mao nga kultura, ang pan ug ang bino mao ang duha ka pinaka unang mga kagamitan nga magamit dayon, ug mao nga siya nagagamit niini ingon nga pagkaon ug ma inum. Alang sa handumanan, sa pagkatinuod dili sala nga mo apil sa “pagkalawat” nga seremonyas. Sa tinuud, usa kini ka makahuluganon, apan atong huna-hunaon kon unsa ka praktikal ang paghinumdom sa Ginoo (ug unsa ang iyang na buhat, gibuhat, ug paga buhaton pa alang kanato) sa matag higayon nga kita mokaon ug mo inum.

Ingon nga Magtotoo, ang atong tumong mao ang pag praktis sa presensya sa Ginoong Hesus sa atong kinabuhi, sa pag himo kaniya nga kabahin sa bisan unsa ang atong paga buhaton. Sa laing bahin, ang tumong ni Satanas sa lumba sa kinabuhi mao ang pagkawat sa atong hunahuna mahitungod sa Dios ug ni Kristo. Ang hilom nga pag-ampo ug pagbasa sa Biblia labing gikinahanglan, apan dili usahay kanunay nga mabuhat kini sa pipila ka oras matag adlaw. Kasagaran, murag ang, “kinabuhi” maoy nagaut-ut kanato. Wala ako mahibalo bahin sa imong kaugalingon, apan ang akong hunahuna usahay masamok palayo gikan sa mga butang nga iya sa Dios maka daghan na sa akong kinabuhi. Apan aduna bay mga butang nga gikawat gikan sa akong hunahuna nga may kalabutan sa pagkaon? Nag tiaw ba ikaw? Ako naga ingkit sa katapusang hungit sa pamahaw, ug ako naghunahuna na usab, “Unsa kaha ang para sa paniudto?” Unsa kadaghan sa atong inadlaw nga panghunahuna ug mga buluhaton nga nahilambigit ug nagatuyok sa pagkaon ug pag inum? Daghan!

Daghang mga magtotoo mohunong makadiyot aron sa pag pasalamat sa dili pa sila mokaon sa pagkaon, ug kanang paghunong makadiyot makapalagsik. Apan unsa kon, pinaagi sa nasulayan na nga baruganan nga gitawag ug mental association, atong himoon nga kinaiya nga mo hunahuna o kaha magpasalamat sa Ginoo sa matag kaon nato ug kendi sa dapit pahulayan o kaha mohunong sa mga dapit nga adunay tubig inumanan? Naghunahuna ba ikaw nga sa kalit nga higayon maka tunong ka sa imong pagpamalandong kaniya, tingali maghatag siya kanimo ug “Hunahuna gikan sa Trono,” mga maalamong panglantaw nga imong gikinahanglan nianang mao nga gutlo? Adunay pagkatinuod sa daghang kahigayonan nga mahitabo labaw pa kon dili ka maghunahuna mahitungod kaniya, tinuod ba?

Ug unsa kini ka makadasig nga magpuyo diha sa Gugma ni Hesus nga gipakita kanato pinaagi sa pag-adto sa Krus ug naghalad sa iyang kinabuhi alang kanato. Unsa ka kahibulongan sa paghinumdom, taliwala sa kasakit sa kinabuhi ug mga pag-antos, nga ang matag usa kanato napanag-iya sa Ginoo ug nahimo nga gikinahanglan nga bahin sa iyang Lawas, nga siya mobalik alang kanato, ug nga samtang naga-paabut kita kaniya siya ang atong kinabuhi, ug ni-a siya karon aron sa pagtabang kanato nga mahimong mahisama kaniya niining himalatyon nga kalibutan. Unsa ka malipayon gayod nga “magpalalum” ngadto sa naghatag ug kinabuhi nga Pulong sa Dios ug alimyon nga makapabaskog. Sa pagbuhat niini maka paghinumdom kanato nga kita kanunay makahimo sa tibuok nato nga pagpanugyan ngadto sa pulong pinaagi sa pag-usap, pagtulon, ug pag pamalandong niini hangtod sa katapusan nga kini maghatag kanato ug kabaskog.

Pagkaon alang sa hunahuna,” huh?